Nina sa waea nga alima ro naangkun it construction worker nga ginkilaea nga si Mark Tibal, 41-anyos matapos raya nga gin-eabo ni Julito Falsario, 54-anyos sa Barangay Manggoso, Sigma, Capiz.
Base sa imbestigasyon it Sigma Police Station, nagatindog eamang ro biktima sa sambilog ka waiting shed kat makita raya it hilong nga si Falsario.
May bitbit nga sanduko ro suspek ag raya man ro anang gingamit sap ag-eabo sa biktima.
Insigida man nga nakadaeagan si Tibal ag presente nga nagapabueong sa ospital.
Samtang, at large man ro suspek ag padayon pa nga gina-usoy it mga otoridad.
Ginaturo nga motibo sa pag-eabo hay bangud sa kahilongan ni Falsario./JIL B. LACSON