Mismo ginkunfirmar ni Bacolod City Councilor Renecito Novero, chairman sang City Quarantine Center Action Team ang nahanungod sa pagpalagyo sa quarantine facility sa bahin sang Barangay Tangub ni Tadeo Santia-on alyas Aming, 40 anyos sang Brgy. Bacong, siudad sang Bago nga nasapwan ang iya sini patay nga lawas sa higad sang baybayon sakop sang Purok Mahigugmaon, Brgy. Pahanocoy sadtong martes sang hapon Nobyembre 2, 2021.
Ginpahayag ni Novero nagpatawag sang pagsinapol si Mayor Evelio Leonardia kun sa diin gintalakay ang kaso ni Tadeo nga suno sa iya naga-suprer sang depresyon humalin ini ang na-confine sa quarantine facility kag indi masugilanon sang mga upod niya kag bisan pa sang mga nurses, BHW nga nagaduty sa facilidad.
Bangud sa natabo, ginpahayag sang konsehal nga ginhingyo ni Leonardia si BCPO ukon Bacolod City Police Office Director Police Col. Thomas Joseph Martir nga pabantayan sang police ang tanan nga mga quarantine facilities sang syudad.
Si Santia-on ang nagpalagyo sa quarantine facility sadtong Oktubre 30 kag ginapatihan ang ginasuprer nga depresyon ang tuga sa iya nga pagkahibalo nga positibo siya sa Coronavirus disease.