Base sa Police Regional Office 6, nagnaba sa 19.37% ro crime incidents sa Western Visayas sa sueod it walo ka buean.
Umpisa Enero hasta Agosto, nakarekord ro PRO6 it 11,641 ka mga krimen kumpara sa 14,438 ka mga insidente nga narekord ku nagtaliwan nga dag-on 2020.
Base man kay Spokesperson Police Lieutenant Colonel Arnel Solis it PRO-6, nagnaba man ro mga krimen it murder, homicide, robbery, rape, physical injury, theft, carnapping, ag motornapping sa rehiyon.
Nagapati si Solis nga ro madinalag-on nga pag-conduct it Enhanced Managing Police Operations o EMPO it mga kapulisan ro naging rason para mapanaba ro crime rate sa rehiyon./JIL B. LACSON