MIPAILAWOM sa pagbansay ang mga Civil Security Unit (CSU) sa LGU-GenSan bag-o sila gibutang sa nagkadaiyang assignment. Kini ang gibutyag ni Engr. Riza Pachez, labaw sa City Public Safety Office (PSO) asa ilawom ang CSU.
Matud ni Pachez, dunay tulo hangtud upat kaadlaw nga basic law enforcement training ang mga CSU regular man o Job Order (JO). Dunay usab mga module kalabut niini ang mga nasangpit gawas sa pagpailawom sa VIP security training.
Tungod regular nga sakop sa CSU si Juanito Galagaran ang napusilan human nailogan og pusil sa pasyente sa ospital duna kini pusil. Dugang ni Rudy Buot, assistant department head sa CSU mipailawom usab ang mga sakop sa ‘markmanship’ training.
Bag-o paman ang COVID-19 pandemic nalatag na ang refresher course training sa mga CSU apan natanggong. Apan karon gumikan sa hitabo, nadesisyon nila ang pagpailawom sa pagbansay sulod sa 143 ka JO sa CSU ug 32 ka regular workers.
Huwebes sa buntag nag-amok ang pasyente nga si Juru Bosong Ghul, 37-anyos, taga Batulaki, Jose Abad Santos apan lumad nga residente sa Balot Island, Davao Occidental Human nalambigit sa bangga sa lugar nga ginsakopan sa Makar Police Station ug nadala sa Dr. Jorge P. Royeca Hospital. Dungan sa pag-amok, nailog ni Ghul ang pusil ni Galagaran napusilan kini sa abaga ug kilid samtang napusilan usab si Ghul sa sundalo nga miresponde sa hitabo. ( Richel Gubalani)
Photo: CSU Gensan FB Page