Miapela karon ang Davao City Social Welfare and Development Office kon CSWDO sa mga Dabawenyo nga tabangan ang otoridad sa pag-reskyu sa mga bata nga mangaroling sa mga subdibisyon ug uban pang mga lugar.
Kini human gibutyag ni CSWDO head Atty. Marlisa Gallo nga daghan silang nadawat og report kabahin sa mga bata nga maglatagaw aro mangayo og kwarta sa mga balay-balay.
Awhag ni Gallo sa mgatagbalay nga dili tagaan kung dunay mangaroling, inay mas maayong magreport sa 911 o di kaha sa barangay aron marescue.
Hinoon nakig-alayon na matud pa ang ilang buhatan sa kapulisan ug City Transport and Traffic Management Office aron maaksyunan.
Kasagaran matud pa sa mga bata nga mareskyu dili taga-Davao City busa nakig-koordinar usab sila sa mga LGU sa Davao del Norte ug Davao del Sur samtang ang mga bata nga residente sa syudad deretso na ihatud sa tagsa-tagsa nila ka panimalay.BNFM-DAVAO
