Nagpositibo sa bakterya ang water sample nga gikuha sa Provincial ug Municipal Health Office sa pipila ka barangay sa Lungsod sa Manay sa Davao Oriental nunot sa nahitabong Diarrhea outbreak.
Subay sa report gikan sa Manay MHO, nigawas ang resulta sa Colilert Test niadtong sabado kung asa positibo sa presensya sa Escherichia coli nag maoy sagad hinungdan sa Diarrhea.
Upat ka mga lugar ang gikuhaan og water samples lakip ang gipahigayong rectal swabbing sa mga pasyente nga dunay diarrhea, kini gilangkuban sa Purok 1 Central; San Ignacio; Guza; ug Del Pilar.
Girekomenda gilayon sa health authorities ang disinfection sa mga reservoir ug ubang tinubdan sa tubig nga ginagamit sa mga apektadong barangay.
Kahibaluang anaa sa unom ka mga residente ang nakasbsan sa kinabuhi sa miaging semana sukad miulbo ang diarrhea outbreak nga padayon karong ginamonitor sa PHO sa maong probinsya.BNFM-DAVAO
