Ubay-ubay nga mga Tricycle ug mga pasahero gikan sa Sarangani Province ang Natanggong sa tulay sa Buayan Hulyo unse sa kasamtangan nga tuig.
Sumala sa usa ka pasahero gikan sa Alabel nga si Domin Andres 49 anyos motambong sila sa Graduation sa ilang anak nga ipahigayon sa usa ka Mall mao nga kuyog niini ang iyang pamilya sa pagpangita ug masakyan.
Sumala usab sa usa ka Tricyclke Driver gikan sa Malapatan nga si Jerbert Moranos 48 anyos,na problema siya sa iyang duha ka anak nga ginahatud sundo sa eskwelahan sa Gensan kay daku ang pamasahe nga gikinahanglan kon mosakay sa laing sakyanan.
Sa bahin sa labaw sa Public Safety Office nga si Atty Jong Gonzalez gisulti niini nga ang pag istrikto sa utlanan sa Gensan ug sikbit lugar resulta sa tigum nga gihimo sa Motorized Tricycle Franchising and Regulatory Board kon MTFRB.
Alang daw kini sa mga lihitimo nga Franchise Holders sa Gensan unya alang sa pagpaluag sa Trapiko sa syudad,tambag niini sa mga pasahero nga mosakay nalang sa mga sakyanan nga nagaturno sa Buayan.- Ver Diazon