NANGANDAM na ang kapulisan sa alang sa labing dako nga demolisyon sa usa ka barangay sa GenSan.
Human gisilbe na sa mga personahe sa korte ang ‘writ of demolition’ ngadto sa Olarte sa Barangay Labangal, nakalabay nga semana. Matud ni Police Col. Jomar Alexis Yap, director sa GenSan City Police Office (GSCPO) nga daghang sakop sa kapulisan ang kinahanglanon.
Ugaling ipatuman na ang mandu sa korte nga idemolis ang naa sa 973 ektarya sumala pa nga lugar sa maong barangay. Gihangyo sa sheriff nga mosilbi sa mandu sa korte nga modala og dakong pwersa ang kapulisan kauban ang kasundalohan alang sa posibleng kagubot atol sa demolisyon. Giberipika usab karon sa mga pulis ang impormasyon nga dunay grupo sa bata, babaye ug edaran nga mobabag sa demolition team.
Sa karon, padayon ang pulong kauban ang kapulisan, kasundalohan mga social worker sa Department of Social Welfare and Development Office (DSWD) ug uban pa. Una nang gibutyag ni Yap nga ang Olarte state ang ginatagoan sa pipila ka indibidwal nga lambigit sa krimen sa siyudad. I Richel Gubalani