LEGAZPI CITY – Nagsagibo nin Simulation Exercises (SIMEX) dapit sa alarms and scandal situations an hepatura kan pulisya sa Daraga bilang preparasyon para sa papaabuton na Barangay asin Sangguniang Kabataan Election (BSKE) 2023.
Segun kay COP PLt. Col. Edmundo Cerillo, Jr., obheto kan aktibidad na matawan nin bastanteng kaaraman an mga personahes kan opisina manungod sa pagresponder sa manlaen-laeng emerhensya na pwedesir mangyari sa laog kan voting precints asin retrieval area kasarabay na an pagmantenir kan seguridad kan lugar.
Sa paagi kaini maheheling suboot kun gano kapreparado an mga kapulisan pati na an pagrekord kan saindang response time asin kun pano sinda magkapot nin mga siring na sitwasyon.
Presente man sa aktibidad an mga personahes kan Daraga Municipal Disaster Risk Reduction and Management Office (MDRRMO), Commision on Elections (COMELEC), Police Community Action Team (PCAT), asin mga poll watchers.