GIPAALERTO sa Department of Health (DOH) 12 ang mga LGU’s sa Soccsksargen region batok sa omicron variant.
Human gikumpirma sa DOH ang taho nga nakatala na ang Pilipinas og unang duha ka cases omicron variant.
Ang duha ka imported nga kaso sa bag-ong variants ang nasuta gikan sa 48 ka samples sequenced atong Martes.
Matud ni Arjohn Gangoso, tigpamana sa DOH-12 Center for Health Development gimanduan na ang mga LGU’s.
Sa papakusog sa ilang surveillance team aron masiguro nga dili makasulod ang posibleng carrier sa maong variant.
Atol sa holiday season, nagpahimangno ang nasangpit sa publiko nga dili makumpyansa luyo sa pag-ubos sa kaso sa Covid-19.
Tungod nagpadayon ang bahad sa virus ug ang bag-ong variant lakip na ang ubang variant of concerns.
Angayan batasanon sa tanan ang pagsunod sa minimum health protocols sama sa pagsuot og mask mask ug siguradohon nga magpabakuna batok sa virus. I Richel Gubalani