Hindi pa irerekomenda ng Department of Health (DOH) ang pagpapatupad ng mas mahigpit na Alert Level 3 status sa ibang mga rehiyon, hanggang hindi mapapatunayan ng mga datos ang naturang hakbang.
Ang pahayag ni Health Secretary Francisco Duque ay matapos matanong kung ikinokonsidera ba ng gobyerno ang posibilidad na nationwide expansion ng alert level status — kasunod na nakatakdang higpitan ng Metro Manila ang restrictions ngayong linggo.
Giit ni Duque guided ng metrics ang mga opisyal sa pagdedesisyon sa alert level.
Dagdag ng kalihim, ito rin umano ang pangunahing rason kung bakit itataas ang alert level sa National Capital Region mula sa 2 papuntang 3, dahil ito ang isinasaad ng metrics.
Ang pagshift ng Metro Manila sa Alert Level 3 ay matapos mapaulat ang kauna-unahang kaso ng Omicron variant sa bansa.
