MAY tambal pa nga magamit ang Dr. Jorge P. Royeca Hospital alang sa mga pasyente sa COVID-19.
Kini ang gikumpirma ni Glennville Gonzales, hospital administrator sa Dr. Jorge P.Royeca Hospital luyo nga may gihimo na nga emergency purchase request alang sa dugang mga tambal, PPE alang sa mga staff, RT-PCR test kits, ug oxygen supply.
Segun ni Gonzales nga duha ka semana ang gihatag nga tagal nga mapalit ang maong mga medical supplies ug tambal nga kuhaon gikan sa bag-uhay naaprobahan nga Supplemental Budget number 3.
Nanghinaut na lamang si Gonzales nga magpabilin nga may suplay sila sa tambal ug ubang medical nga panginahanglanon kung dili gilayun masagad tungod ginaagad usab ang gidaghanon sa pasyente nga mogamit.
Samtang gibutyag mga waitlisted nga pasyente sa pampublikong ospital sama usab sa pribadong tambalanan tungod sa pagsaka sa kaso sa COVID-19.