GISUNOD sa St. Elizabeth Hospital ang gimando sa DOH nga anaa sa 30 porsiento ang igahin nga bed capacity alang sa COVID-19 patients.
Kini ang gibutyag ni Antonio Veneracion, chief operating officer sa St. Elizabeth Hospital nga compliant sila sa maong kamanduan ug aduna silay 82 COVID-19 beds.
Giangkon usab niini nga bisan daghan ang gustong magpa-admit apan sa karon ang nag-una nila nga problema ang manpower, asa may shortage na sila sa mga nurses.
Ikaduha, daghan sa mga kaso ang anaa sa severe ug critical nga nagkinahanglan og high flow oxygen ug mechanical ventilator nga karon wala na usay magamit tungod nakataod na sa pasyente.
Dugang ni Veneracion, sa ilang bed capacity alang sa pasyente sa COVID-19 may 15 nga nabilin samtang daghan pa sila og supply sa tambal nga Remdisivir gawas sa tocilizumab nga wala nay supply bisan asang ospital ug limitado na usab ang ilang oxygen supply.
Sa karon gibutyag niini, nga aduna silay sobra 40 nga waitlist nga kasagaran moderate cases mao nga gitambagan nga hugot nga i-monitor ang ilang kondisyon ug kung mosamot, ayha pa nila ma-accodomate tungod sa kakulangon sa high flow oxygen ug mechanical ventilator.