Duha ka anggulo karon ang gitudlong posibleng hinungdan sa kamatayon sa mag live-in partner nga pulos nakaplagang wala nay kinabuhi sa girentahan niining condo sa Camella Northpoint sa Bajada, ning dakbayan sa Davao niadtong Dominggo.
Una nang giila sa kapulisan ang mga biktima nga mao sila Jeff Predas nga unang nakaplagan alas-5:24 Dominggo sa buntag nga nagbuy-od nga puno sa samad dinunggaban ang lawas ug si Jennifer Chavez nga ulahing nakita bandang alas-10:25 na sa gabii sa susamang adlaw sulod mismo sa kwarto niini nga duna usab dinunggaban sa nagkadaiyang bahin sa lawas.
Gibutyag sa Davao City Police Office nga posibleng crime of passion o diba kaha personal ang hinungdan sa krimen.
Samtang, gitutokan na usab sa kapulisan sa Bajada ang duha ka mga persons of interest nga ang usa anaa na sa kustodiya sa kapulisan.
Ang mga nahisgutan maoy nagbook sa mga biktima og room sa nasangpit nga condo ug ulahing kontak sa mag live-in.
Nasayran nga nidayo lamang ang duha ka biktima aron nga mutan-aw og concert dinhi sa syudad.BNFM-DAVAO