Nag angkon it daywa ka pagbuno sa eawas ro sangka eaeaki matapos raya nga bun-on it anang kainuman sa Brgy. Camanci Norte, Numancia Aklan.
Sa interview it Brigada News FM Kalibo kay PMSG Felizardo Navarra Jr., it Numancia PNP, ginkilaea ro biktimang si John Emman Mahabagi 23yo ag residente sa nasambit nga lugar.
May buno raya sa anang leog ag butkon ag presenteng naka confine sa Aklan Provincial Hospital ag nataeana nga operahan.
Ginkilaea man ro suspek nga si Jasper Teodosio 19yo ag residente it Brgy. Baybay, Makato.
Sa imbestigasyun, mapahatud kunta ro suspek sa anang barkada para makauli sa andang baeay.
Pero kat hueamon kara ro motorsiklo it biktima hay nagbalibad si Mahabagi kung siin, dikara eon nag umpisa ro andang diskusyon ag nauli sa pagbuno.
Kulong makarun ro suspek sa Numancia PNP ag nataeana nga iga-inquest hin-aga para sa kasong frustrated homicide. / ANN DESLENE SALAZAR