ILOILO CITY — Arestado ro sangka eaeaki nga ginasugid nga nagpang tueop ag nagpangsipa it daywa ka pulis sa Mandurriao, Iloilo sa mismong adlaw it Paskwa.
Ginkilaea ro suspek nga si Alvin James Edemne 31yo ag residente sa nasambit nga lugar.
Sa report, nakabatun it impormasyon ro Mandurriao PNP nga may naga eskandalo sa lugar rasun nga insigida nanda raya nga gin-respondehan.
Pag abot segun it mga pulis sa area hay nakita nanda ro suspek nga hilong ag naka uba it eambong.
Ka’t anda segun raya nga alalayan hay gulpi eon lang tinueop it suspek sa uyahon si PCpl Jordan Jamolo ag sinipa pa kara si PSSg Romeo Vicentuan Jr. / ANN DESLENE SALAZAR