LEGAZPI CITY – Kinumpirmar kan Albay Provincial Health Office (PHO) na nairehistro sa banwaan kan Malinao an enot na mga kaso nin diarrhea sa probinsya.
Segun sa nasambit na opisina, basado sa naresibeng report kan Provincial Epidemiology and Surveillance Unit gikan sa Rural Health Unit kan banwaan, nasa poko mas o menos 26 na mga persona an infected kaini.
Napag-araman, basado sa resulta asin datos kan opisina, an mga residente sa Brgy. Bagatangki kan banwaan, nakaeksperyensyar nin “acute watery diarrhea”.
Katakod kaini, nagkondusir naman nin Surveillance and Health Awareness Advocacy asin Collection of Water Sample an PESU, Albay Environmental Sanitation Team asin an RHU Malinao nganing mapugulan na an food and water borne diseases.
Mientrastanto, kun babalikan man an sinabi ni Dra. Mildred Tianes, Medical Officer III kan Department of Health (DOH) Bicol sa intrevista kan Brigada News FM Legazpi, sinabi kaini na diarrheal disease an saro sa mga pwedesir makuang kahelangan ngunyan na tag-init nin huli sa kakulangan nin supply asin kontaminasyon sa mga pig-iirinom na tubig. | Brigada Intern HANNAH JAMILA BITAGO