Nabiktima an usa nga residente han Brgy. Mambajao, Maasin City han usa nga nagpakilala nga legit online seller han outdoor products ha Facebook account nga “Shermae Marie Solano”.
Pumalit an biktima ha iya ngan nagbayad hin P5, 615 ha pamaagi han GCASH account. An mao nga tag-iya han GCASH in nagpakilala nga bugto hiya han nasabi nga scammer agud igtago an iya pangilal-an.
Han tawagan han biktima an Gcash account agud igpaikana kun hain na an order, nahisabtan niya nga na-scam hiya.
Dayon naman dumangop ha Maasin City Police Station an biktima ngan dagmit naman nagdumara hin Entrapment Operation nga nagresulta ha pagkakaaresto ha suspek mahuman ini mag-cash out hin P2,500 tikang ha tag-iya han Gcash.
An akusado in usa nga 20-anyos nga lalaki ngan residente han Brgy. Mantahan, Maasin City.
Ha pagkayana in gin-aandam na an kaso nga pagtalapas ha Art. 315 han Revised Penal Code o Estafa kontra ha nasabi nga lalaki. An Estafa in mayda kapresuhan ngada unom kabulan tubtob unom katuig.
Nanawagan naman an Southern Leyte Police Provincial Office nga kun hin o man an biktima hini nga bogus online seller, in gin-aaghat nga pumakadto ha tagsa police station agud dayon maaksyunan.