PABILING naa sa General Community Quarantine (GCQ) ang quarantine status sa General Santos City gikan Agosto 01 hangtud katapusan.
Base sa anunsiyo gikan sa Malakanyang sa alang sa bag-ong status sa quarantine sa uban pang lugar sa nasud. Kini na ang ikaduhang higayon nga gipailawom ang GenSan sa Malakanyang sa GCQ.
Dungan sa pagpadayong pagsaka sa kaso sa Covid-19 sa dakbayan nga karon naa na sa 721 ang aktibong kaso sa virus gikan sa 7,468 nga kinatibuk-ang kaso sa Covid-19. Samtang naa sa 237 ang Covid-19 related death ug 6,510 ang nakarekober gikan sa maong sakit.
Kahibaloan nga nakalabay’ng bulan, miapela ang LGU sa national government nga ipailawom ang GenSan sa GCQ with heightened restrictions tungod sa kaso sa virus. Kasamtangan nakaalerto ang health authorities ug law enforcements partikular na ang mga naa sa kadagatang bahin tungod sa bahad sa mas delikadong Covid-19 Delta variants. ( Richel Gubalani)