Kapin sa 16, 935 pamilya o 84, 458 ka mga indibidwal ro naduean it panimaleay ag presente nga sa maein-eain nga evacuation centers sa mga probinisya it Iloilo ag Negros Occidental, base sa Department of Social Welfare and Development (DSWD).
Base sa kumpirmasyon ni DSWD Disaster Response Management Division (DRMD) information officer Therese Fely Legaste, nagpaguwa ro andang taeatapan it P37.066-milyon nga balor it bulig.
Ro mga relief goods nga ginapanupod hay ginakaeakipan it 67,277 family food packs, 1,400 mga non-food items kapareho it sleeping ag hygiene kits para sa mga nagapabilin sa evacuation centers, ag 6,621 bottled waters.
Nagpadaea man ro DSWD it 7,324 family food packs sa Antique; 2,944 sa Aklan; 4,610 sa Capiz; 2,800 sa Guimaras; 12,537 sa probinsiya it Iloilo; 112 sa Iloilo City; ag 1,900 food packs sa Bacolod City.
Ginhambae ni Legaste nga nagahueat sanda it direktiba halin sa andang central office kung hin-uno igata-o ro bulig pinansyal sa mga nadueaan it panimaeay bangud sa bagyo./JIL B.LACSON