Ro mga aktibidad it simbahan para sa kapistahan it Sto. Niño de Kalibo hay magpadayon sa tunga it pandemya nga gintuga it COVID-19 virus.
Presente nga nagapahaom eun ro Parish of Saint John the Baptist Cathedral sa mga nasambitan nga aktibidad.
Masobra 20 ka mga imahe it Sto.Niño ro iga-display sa cathedral sa Enero 7.
Ro exhibit hay bukas sa publiko hasta Enero 15.
Magahiwat man it mga mobile procession ag caravan it mga imahe it Sto. Niño sa Enero 7 sa Kalibo, kamana man sa Enero 15 para sa prusisyon sa kaaganhon.
Sambilog ka grand procession ro pagahiwaton sa Enero 16 pagkatapos it Pilgrims Mass ag sambilog nga grand parade sa alas-3 it hapon.
Magatipon man ro mga tumoeuo nga Katoliko sa Saint John the Baptist Cathedral para sa himuon nga mga pangamuyo ag misa./JIL B. LACSON