Patay tunga-tunga sa operasyon ang usa ka high ranking New People’s Army (NPA) leader ug asawa niini nunot sa bakbakanay tali sa mga sakop sa 67th Infantry Battalion sa Barangay Sta. Maria, Trento, Agusan Del Sur sa milabayng LUnes.
Giila ang nakabsan nga si Danny Huit Kumander Bosyong, Secretary sa Guerilla Front North sa Sub-Regional Command 1, Southern Mindanao Regional Committee (SMRC) ug misis niini nga si Naneth G. Catalino alias Bambam/Keith, sakop sa medic group sa mga rebelde.
Si Huit ang adunay lima ka pending warrant of arrest nga gilangkuban sa frustrated murder, homicide, duha ka ihap sa kasong arson ug rebellion sa Regional Trial Court (RTC 11) branches 7, 32 ug 3 sa Baganga, Davao Oriental; Nabunturan, Davao de Oro; ug Lupon, Davao Oriental.
Sumala pa nga girespondihan sa mga militar ang impormasyon nga nadawat gikan sa mga residente sa maong lugar tungod sa presensya sa mga armado hinungdan nga nagkatagbo ang duha ka grupo nga nisangko sa gyera nga nagresulta sa pagkamatay sa ilang lider ug asawa niini.
Gidayeg usab ni Colonel Oliver Maquiling, ang 701st Brigade Commander ang tropa sa 67IB nga gipangunahan ni Lieutenant Colonel Louie Dema-ala
Samtang gipasalig usab ni Major General Ernesto C Torres Jr sa 10th Infantry Division nga magapdayon ang paglutos sa Team Agila sa mga rebelde aron tapuson na ang kagubot nag dala sa ilang gipakigbisugan. BNFM-Davao