Nagwala ru sangka eaeaking hilong matapos nga uwa pag pautanga’t sigarilyo sa Brgy. Bubog, Numancia, Aklan.
Nakilaea ru nag wala nga si Joemari Natabio, 32 anyos ag residente it nasambit nga lugar.
Alas 10:45 kabie, nag-adto sa sangka baraka ag maga utang konta it inom ag sigarilyo apang uwa pag taw-a it tag-reklamo nga si Jonalyn Destor, sa legal nga edad.
Raya ru dahilan nga nag pamaeag ag nagwala ru suspek samtang naga pakita it sanduko.
Eagi man nga gin aresto it Numancia MPS ru suspek ag paga kasuhan it alarm and scandal ag pag-eapas sa COMELEC gun ban.//MARIVIC Y. ILIN