Sinelyuhan ng Boston Celtics ang 7th spot sa Eastern Conference para makaabanse sa NBA playoffs.
Ito ay matapos nitong talunin ang Washington Wizards sa kauna-unahang play-in tournament, 118-100.
Naging susi sa panalo ng Celtics ang 50-point performance ni Jason Tatum na dinagdagan pa ng 29 puntos mula kay Kemba Walker.
Makakalaban naman ng Boston ang no. 2 seed sa East na Brooklyn Nets sa 1st round ng playoffs.
Samantala sa kabila ng pagkatalo buhay pa ang pag-asa ng Wizards para sa post season appearance dahil makakalaban nito ang Indiana Pacers para sa 8th spot.
Tinalo kasi ng Pacers ang Charlotte Hornets 144 -117.
Samantala bukas, tampok naman ang defending champion Los Angeles Lakers vs Golden State Warriors na magtutuos para sa 7th seed habang do-or-die naman ang Memphis Grizzlies kontra San Antonio Spurs sa Western Conference play-in tournament.