NAGPADALA na og request ang City Mayor’s Office ngadto sa Sangguniang Panlungsod alang sa concurrence ni Engr. Bernadeth Francisco isip labaw sa City Planning and Development Office.
Sa paghinabi sa Brigada News FM GenSan sa labaw sa Human Resource Management and Development Office nga si Atty.Rosendo Roque gikumperma niini nga gituboy na ni Mayor Lorelie Pacquiao si Francisco epektibo Abril 3 kasamtangan nga tuig.
Sumala kay Roque nga miagi sa interview sa HRMDO Promotion and Selection Board si Francisco ug basi sa merit and fitness kwalipikado ang gituboy sa mayor,anaa usab kini kasinatian sa opisina nga mokabat sa 30-anyos nga trabaho.
Gidugang ni Roque nga aduna silay pito ka adlaw nga deadline aron maduso sa Sanggunian ang appointment unya ang sp aduna usab 15 ka adlaw aron aksyunan ang request alang sa concurrence.
Kahibaluan nga anaa sa salary grade 26 ang position sa department head sa syudad. I Ver Diazon