PAGPAMALANDONG, pagmuni-muni o reflection ang kasagaran madungog sa panahon sa mga gideklarang balaang mga adlaw o kaha sa paglabay sa mga kalampusan,kapakyasan o unos sa kinabuhi.
Panawagan ni Fr.Raul Valle sa katawhan nga mosalmot sa mga aktibidad sa Semana Santa, magpasalamat sa Ginoo kay bisan pa sa pagka makasasala sa mga tawo gimahal gihapon niya kini pinaagi sa pagpadala sa iyang bugtong anak nga si Kristo aron kita maluwas.
Si Leonard Dustin Llido, 18-anyos nga Grade 12, unang higayon nga modala sa character ni Jesukristo sa reenactment sa Seven Last Words.
Gikuyawan, nag ampo aron nga dili malisang kon ibitay na sa krus sa adlaw na Biyernes Abril 7 sa buntag sa ikanapulo nga estasyon sa krus sa Bula.
Lakip sa namalandong karong Semana Santa ang mga piniriso sa Bula police station,usa niini si Lavie Panis, 29-anyos bugtong anak nga taga Barangay Fatima, usa ka mananagat.
Nadakpan kini sa usa ka entrapment operation sa kapulisan ug nakasuhan gumikan sa paggamitan sumala pa ug gidili nga druga.
Nakatulo ang luha niini samtang ginahinabi sa Brigada News Team, nagapangayo ug pasaylo sa iyang inahan nga iyaha daw gibakakan. I Ver Diazon
–