Arestado ang isang high value individual (HVI) matapos makumpiskahan ng tinatayang P102K halaga ng shabu sa isinagawang anti-illegal drug operations, gabi noong Huwebes sa Masbate City.
Kinilala ng mga operatiba ng Masbate CPS ang suspek na si Reynaldo Khiong Rejuso alias ‘Senior,’ 66-anyos, may asawa at naninirahan sa Purok 5, Brgy Ibingay ng nasabing lungsod.
Sa ulat, kumuha muna ng Search Warrant ang mga operatiba galing sa RTC Br 44, Masbate City saka sinalakay at hinalughog ang bahay ng suspek.
Nakumpiska dito ang 11 pirasong heat sealaed plastic sachet na may lamang hinihinalang shabu at tumitimbang ng mahigit-kumulang 15 gramo.
Mahaharap si Rejuso sa paglabag sa section 11 o possession of dangerous drugs ng RA 9165 o ang Comprehensive Dangerous Drugs Act of 2002.
