LEGAZPI CITY – Liwat na luminangkaw an inflation rate sa Bicol Region ngunyan kan nakalihis na Setyembre segun sa Philippine Statistics Authority (PSA) Bicol.
Segun kay PSA Regional Director Cynthia Perdiz, nasa 5.6% an nairehistro kan Setyembre, mas alangkaw kumpara kan Agosto nasa 4.4%.
Alagad mas hababa pa ini kumpara kan 2022 sa kaparehong peryodo na uminabot sa 6.6%.
Uminambag digdi an paglangkaw kan presyo nin food and non-alcoholic beverages na nasa 10.3% asin 92.7% share sa paglangkaw nin pangkagabsan na inflation.
Sa food and non-alcoholic beverages, uminambag an paglangkaw kan presyo nin cereals and cereals products na may 14.3% siring kan bagas.
Nakadugang man an food and alcoholic beverages and vegetables, tubers, bananas asin iba pa na may 38.9% asin halimbawa kaini an kamatis.
Mientrastanto, uminambag man an transport na may 1.1% inflation asin 4.4% share.
Rason kaini an mas luway na pagbaba kan presyo an gasolina na may negative 0.8% asin diesel na may negative 11.6%.