Ginhayag ku pamunuan it Iloilo Police Provincial Office (IPPO), nga owa it local traffic enforcer sa probinsya it Iloilo nga deputized sa paggamit it alcohol breath analyzer.
Ro alcohol breath analyzer ro makatumod kung hilong ro sangka driver nga imbolbado sa aksidente ag pwede man raya nga maging ebidensya kung magpasaka it kaso bangud sa pagmanehu it hilong o sa impluwensya it illegal nga droga.
Nasayuran man halin sa IPPO nga hasta makarun hay owa it bisan sambilog nga ginkasuhan sa probinsya kaangot sa pag eabag sa “Anti-Drunk and Drugged Driving Act of 2013.”
Padayun man ro pakikipag-angutan it IPPO sa Land Transportation Office (LTO) nga mataw-an eon it nasambit nga equipment ro probinsya ag para ma-deputize man ro mga pulis sa paggamit kara.
Samtang, nasayuran nga may 25 alcohol breath analyzer device ro nag abot halin sa LTO Central Office ag pagataw-an kara it 11 bilog ro Iloilo City Police Office. / ANN DESLENE SALAZAR