Gintupok sang kalayo ang isa ka puluy-an sa Barangay Poblacion, Dumalag Capiz takna alas 4:50 kahapon sang Martes, Hunyo 20.
Ginkilala ang tag-iya sang balay kay Melva Fetalino, 57-anyos.
Sa impormasyon nga nakuha sang Brigada News FM kay SFO1 Jessie Hechanova sang BFP-Dumalag, ginpahayag sini nga totally burned gid ang balay ni Fetalino nga human sa concrete materials.
Suno pa kay Hechanova, madasig nga naglapta ang kalayo kun sa diin naglab-ot sa 2nd alarm ang sunog kag lima ka fire truck ang nagresponde ini amo ang Dumarao, Tapaz, Cuartero kag Dao Fire Station.
Natigayon nga ma-fire out ang kalayo takna alas 5:46 sang hapon.
Ginabanta nga naglab-ot sa mas o menus P960,000 ang nangin kahalitan sang sunog. Sa karon, padayon pa ang imbestigasyon sang BFP-Dumalag agud matumod ang gintunaan sang sunog. | Judy Ann Juare