Patay ro isaeang 17-anyos nga dalagita matapos imaw nga bun-on it anang kampod bangud sa ginahambae nga tsismis sa Barangay Cabacungan, La Castellana, Negros Occidental ku Lunes.
Gin tago it pulisya ro pangaean it biktima ag ro 16-anyos nga suspek.
Hinambae ni Police Captain Rhojn Darell Nigos, hepe it pulisya it banwa it La Castellana, nga inimbitahan it suspek ro anang kampod nga magtikang halin sa isaeang computer shop.
Ugaling pag-abot nanda sa liblib nga parte it nayon, ging kumpronta umano it suspek ro biktima angot sa tsismis nga ging kalat umano kara.
Matapos ro komprontasyon, pilang beses umanong binuno it suspek nga armado it pataeom ro biktima, hambae ni Nigos.
Pagkahin-aga, nag-adto sa himpilan it pulisya ro suspek ag ro anang ama agud iulat ro insidente.//LABYRINTH R. BAYONA
Photo credits: Negros Occidental Police Provincial Office