Sugatan ang isang overseas Filipino worker matapos sumiklab ang sunog sa isang residential building sa Kowloon District, Hong Kong.
Ayon kay Department of Migrant Workers officer-in-charge Hans Leo Cacdac, nagtamo lamang ng minor injuries ang naturang Filipino at nabigyan na ng kaukulang tulong.
Base sa ulat ng mga otridad, nasa 35 iba pa ang sugatan sa nangyaring sunog sa Kowloon.
Samantala, anim sa mga sugatan ang nasa seryosong kondisyon at isa ang kritikal ang lagay.