PAGDAGINOT sa konsumo sa kuryente ang hugot gipatuman sulod sa headquarters sa Sarangani Provincial Police Office (SPPO).
Dungan sa gikaengong milyon ka pesos nga utang sa kuryente sa LGU-Alabel asa nalakip sa maong utang ang electricity bill sa SPPO.
Matud ni Police Col. Deanry Francisco, director sa SPPO nabayaran na nila ang ilang electricity bill gamit ang ceiling gikan sa Maintenance and Other Operating Expenses (MOOE).
Sa summary receivable gikan sa Local Government Unit government offices area operation service department Alabel Sub-office area III.
As of December 2023, makita nga gikan Agosto 2019 hangtud Desyembre 2023 misaka sa P715, 925.00 ang kinatibuk-ang bill sa kuryente sa PNP provincial headquarters.
Kini ang kabahin lang sa gikaengong bayronon sa kuryente sa LGU-Alabel sa electric utility.
Sa gikaengong utang sa LGU sa kuryente, lakip na usab diri ang electricity bill sa Bureau of Fire Protection ug uban government offices. I Richel Gubalani