Sangka Japanese Spitz nga ayam nga si Hershey, ro gintaw-an it disenteng eubong it anang amo nga si Mr. Albert Manalo nga taga Kalibo, Aklan.
Sa interview it Brigada News FM Kalibo kay Mr. Manalo, 12yo nga si Hershey nga suno kana hay sangka mabuot ag mapinalanggaon nga ayam.
Nasayuran nga may heart enlargement si Hershey kat maisut pa raya ag ginadaea pa nana kato sa Iloilo para eamang maipabueong.
Inako sa Brigada ni Manalo nga ku una hay bukon imaw it mahilig sa ayam pero bangud nagareklamo segun ro anang mga tenants sa mga kuring, may nagtao kana it daywang ka tiyo it ayam agud magbantay it kuring.
Pero ku ulihe segun hay na-attach eon si Mr. Albert sa mga ayam bangud napamatud-an nana nga mabuot ro mga ayam.
Bisan segun sa anang pagbulig hay ginabantayan imaw it anang ayam nga si Hershey.
Nasayuran nga namatayan eon it pilang ka ayam si Mr. Manalo ag eubos nana raya nga ginkasubo bangud napalanggaan eon nana ro mga raya. // ANN DESLENE SALAZAR