GIKWESTYON sa konsehal sa sesyon sa konseho ang kaandam sa LGU-GenSan sa epekto sa El Niño. Matud ni Konsehal Jose Edmar Yumang, angayang dunay mitigation plan ug effort ang LGU alang sa mga apektado sa phenomenon.
Dili lang alang sa mga nadamyos nga mga tanum, kung dili lakip na usab sa mga wala misugal sa pagtanum gumikan sa El Niño. Butyag ni Merlinda Donasco, labaw sa City Agriculture Office (CAO) duna na silay gihimong mitigation plan ug effort bag-o ang El Niño.
Sama sa pagpahimangno sa mga mag-uuma kung unsa ang angayang itanum tunga sa kainit sa panahon. Luyo niini, duna usab milyon ka pesos nga pondo ang LGU aron matabangan ang naapektohan sa sektor sa agrikultura.
Samtang, misaka na sa P6.7 milyon ang danyos sa tanum nga natala sa GenSan gikan sa 114 ektaryang umahan, asa 104 mag-uuma ang apektado. I Richel Gubalani