POSIBLENG sa adlaw’ng Lunes pa pormal nga mapasaka sa kapulisan ang kaso batok suspek sa Arian rape-slay case.
Sa pakig-estorya kang Police Major Robert Fores, hepe sa Police Station 9 sa telepono gibutyag niini nga ang ‘unavailability’ ni alyas May inahan ni Arian ang ilang giagad.
Hinungdan nga imbes karong adlawa nila ipasaka ang kaso sa piskalya sa Lunes na kini hingpit nga ma-file. Una nang, gibutyag ni Fores nga human nag-negatibo ang resulta sa forensic examination ang testimonial ug circumstantial evidences ang ilang bitbit sa pagpasaka og kaso.
Mibalibad na usab sa pagpahatag og pangalan sa suspek si Fores mintras wala pa napasaka ang kaso. Marso 13, 2024 napalgang patay nga gisulod sa sako ang lawas sa 7-anyos nga si Arian.
Sa autopsy report, migula nga naangkon kini og bun-og sa lawas, gigisi ang bahin sa kinatawo ug nangatanggal ang mga ngipon. Ang bata ang tulo kaadlaw nga missing bag-o paman napalgang patay. I Richel Gubalani