Himas-rihas ang usa ka kahero nga nadakpan atol sa gipahigayon nga joint buy-bust operation sa mga otoridad, nga nahitabo kaniadtong Abril 25, ning kasamtangang tuig, sa may P-8 Brgy. Bañadero, Ozamiz City.
Miresulta kini sa pagkasikop sa usa ka cashier, 41 anyos, lalaki, minyo, cashier sa Phoenix Gasoline Station ug residente sa Brgy. Bañadero Ozamiz City.
Nakumpiska gikan sa iyang pagpanag-iya ug pagkontrol, ang 6 ka sachets nga gituohang shabu, 1 ka 1,000 peso bill, isip buy bust money, ; ug 1 ka gamay, nga sachet nga gituohang shabu.
Diin nakuhaan usab kini ug 1 kahon , kolor itom, 4 ka disposable lighter, 1 ka improvised water pipe glass, 1 ka itom nga pitaka nga adunay sulod nga mga IDs ug papel, 1 ka improvised nga dagom, 1 ka straw, 1 ka metal nga gunting, 1 ka aluminum foil, 4 ka 1,000 cash money, 4 ka 500 peso bill, 1 ka dako nga transparent sachet nga walay sulod, 1 ka unit nga Honda XRM, itom ug orange nga kombinasyon.
Samtang, gibanabanang anaa sa kapin o kulang 2 gramos ang nakuhang shabu, nga adunay Standard Drug Price (SDP) street value nga kapin o kulang Php 13,600.00.
Diin, ang mga dinakpan gidala ug gitanggong sa Ozamiz CPS, samtang ang mga nakumpiska nga ebidensya dad-on sa PNP Forensic Unit, Oroquieta City, alang sa qualitative ug quantitative examination.BNFM OROQUIETA