ARON mapabiling luwas ang tanang Dabawenyo mas gipakusgan pa sa Davao City Police Office ang ilang kampanya batok Bora-bora ug uban pang bayolasyon diha sa kadalanan.
Sa talaan sa DCPO mukabat sa kinatibuk- ang Php 1,706,799.00 nga multa ang nakolekta gikan sa mga masinupakon.
Sa operasyon sa kapulisan batok Bora bora motorcycles, anaa sa 63 CTC/TOP citations na ang ilang naisyu ug mukabat Php41,700.00 ang multa ang nakolekta ug Php 45,000.00 gikan sa mga naisyuhan og TOP.
Samtang muabot sab sa 385 ka operasyon ang gipahigayon kalabotan sa RA 4136 diin anaa sa 213 ang naisyuhan og Temporary Operator’s Permits ug nakakolekta og kinatibuk- ang Php 438,499.00 nga multa.
Anaa sab sa 757 ka mga operasyon kalabotan sa C.O 0334-12 kon Comprehensive Transport and Traffic Code of Davao City, diin anaa sa 2,516 Citation Tickets ang naisyu nga miresulta sa nakoleksiyon nga multa nga Php 1,181,600.00.