PADAYON karon nga gisuta sa otoridad unsay tinood nga hinungdan sa food poisoning sa Sitio Matigsalog, Brgy Marilog, Marilog District niadtong Lunes sa gabii, Oktubre 16 nga gikalanag sa 11 ka mga biktima.
Gitudlo niini nga hinungdan mao ang gikaon nga Spaghetti sa mga biktima o ang tubig nga ilang giinom.
Una nang gikataho pinaagi ni Police Captain Hazel Tuazon, tigpamaba sa Davao City Police Office (DCPO) nga sa 11 ka mga miyembro sa pamilya, 8 lamang niini ang nadala sa ospital gumikan naulian ra ang tulo niini sa ilang balay.
Samtang ang 2 niini ang nakagawas na sa SPMC ug ang 6 padayon pang giobserbahan sa mga doktor.
Hinoon, gipaklaro ni PCapt. Tuazon nga anaa na sa luwas nga kahimtang ang mga biktima.