PADAYON ang gihimong imbestigasyon sa kapulisan sa Malungon, Sarangani Province sa pagkawala sa usa ka mister sa J.P Laurel.
Matud ni PLt.Col Jovenson Bayona, hepe sa presinto karong adlawa tukion sa sakop sa Regional Anti- Cybercrime Unit (RACU-12) ang unod sa CCTV footage nga kuha sa gym sa lugar asa ulahing nakita si Juvinal Carillo alyas Asyung, 42-anyos, nagpuyo sa lugar.
Dugang ni Bayona, gikonsidera nilang ‘missing’ ang kaso ni Carillo ug dili ‘abduction’ tungod wala’y nangayo og ransom sa pamilya. Gisiguro sa opisyal ang pagtutuk nila sa kaso ni Carillo, human midangop kanila ang pamilya ug nagpatabang sa Brigada.
Sa bahin sa mga silingan ni Carillo, sa usa katuig niining pagpuyo sa lugar kauban ang kapuyo wala sila’y masulti sa nasangpit. Maayo kini makisama kanila ug wala sila’y nadunggan nga gikalambigitan niining dili maayo.
Apan gibutyag nga katong sa Malungon pa kini nagpuyo, sagad kining naga-adto sa sabungan ug hantakan. Samtang, subling miapela ang pamilya sa kinsa man ang dunay kasayoran sa pagkawala ni Carillo ang gilayong makig-alayon kanila.
Si Carillo, ang gikuha sa wala mailing tawo sa lugar Oktubre 20,2022 sa atubangan sa iyang kapuyo ug step daughter. I Richel Gubalani