Ku nagtaliwan nga Pebrero 23, 2022, ginlunsar ro KASIMBAYANAN (Kapulisan, Simbahan at Pamayanan) for Secure, Accurate, Free and Fair Elections (SAFE) NLE 2022 nga ginhiwat sa Kalibo Municipal Police Station, Poblacion, Kalibo, Aklan.I
Ginhiwat raya it mga personnel it Kalibo MPS kaibahan ro COMELEC Kalibo ag mga representative it maeain-eain nga religious sector kapareho eamang it International Chaplains Ministerial Order, PNP Interfaith/Bless our COP/MBK, USTAD, Aklan Jamah Islamic Muslim counterpart, ag Parish Pastoral Council for Responsible Voting (PPCRV).
Sa nasambitan nga event, nagsindi it mga SAFE Candles ag Pinning it SAFE 2022 Pin sa mga opisyal it PNP, COMELEC ag mga representative it maeain-eain nga religious sector nga ginsundan it pagpirma it Manifesto o Pledge of Commitment agud ipahiwatig ro pagbieog it komunidad angut sa tuyo nga pagpapanumbalik it pagsalig ag kredibilidad sa electoral process.
Natapos ro seremonya sa pagbuhi it mga puti salampati./JIL B. LACSON