Mideklarar og suspension sa tanang matang sa klase, limited in-person o online classes sa tanang level ang walo ka mga Local Government Unit sa Probinsya sa Sugbo karong adlawa tungod sa bagyong Agaton.
Kini gilangkuban sa mga syudad sa Sugbo, Lapu-Lapu, Mandaue, Danao, Talisay og Carcar, ingon man Daanbantayan.
Samtang ang Cebu Provincial Government mideklarar usab og suspension sa klase sa tanang level sa Probinsya.
Ang syudad sa Sugbo, Talisay og Danao, misuspenso usab sa trabaho sa government office.
Gawas niini, ang Cebu City, mimando usab sa pagsuspenso sa trabaho sa mga pribadong kompaniya apan ang business process outsourcing firms mamahimong makapadayon sa trabaho apan, kinahanglang siguraduhon ang kaluwasan sa ilang trabahante.
Mideklarar usab si Cebu City Mayor Michael Rama og “state of calamity” kagahapon tungod sa walay hunong nga pag uwan diin aduna na usab mga residente sa syudad nga mihikling.