PADAYONG prayoridad sa kapulisan sa GenSan ang kampanya batok iligal nga droga, apan dili madeklara og giyera batok gidiling droga.
Kini ang pamahayag ni Police Col. Nicomedes Olaivar Jr., director sa GenSan City Police Office (GSCPO) dungan usab sa direktibang gipanaog sa bag-ong lingkod nga Chief PNP nga si Gen. Rommel Marbil.
Nagtuo si Olaivar nga angayang masunod nga ‘rule of law’ o sakto nga police procedure sa mga operasyon batok iligal nga droga.
Dugang ni Olaivar sama sa pamahayag ni Marbil, dili angay ang nahimong kompetisyon sa padaghanay og ihap sa mga dinakpan.
Gumikan kini ang wala dili makaresolba sa problema sa pagkatap sa gidiling droga.
Gisuta karon sa mga pulis sa GenSan kung pila ang nagtuyok nga iligal nga droga sa siyudad ug diri magpukos,asoy ni Olaivar.
Gisiguro sa labaw sa mga pulis sa GenSan nga ‘all out ‘sila sa kampanya aron batukan ang pagkatap sa iligal nga droga.
Kahibaloan nga misaka na sa milyon ka pesos ang gituohang shabu nga naimbargo sa mga operasyon sa kapulisan. I Richel Gubalani
–