WALA’Y natala nga kaso sa pertussis o hutoy o whooping caugh sa GenSan, kini base sa ulahing datus sa City Health Office (CHO).
Kini dungan sa pagdeklara og outbreak sa pipila ka lugar sa Pilipinas sama sa Ilo-Ilo City human nakatala og kaso sa pertussis.
Matud ni Dr. Karl Ivan Igrobay, assistant department head sa CHO padayon ang gihimong monitoring nila sa posibleng kaso sa sakit. Gipakusgan usab karon sa CHO ang pagbakuna sa ‘Pentavalent’ batok sa highly transmissible pertussis infection o whooping cough. Ang immunization ang dili lang batok sa pertussis kung dili aron batukan usab ang diphtheria, tetanus, hepatitis B ug uban pa.
Gi-tap na usab sa CHO ang mga barangay opisyal aron makatabang sa pagpangeta sa mga bata nga wala pa nabakunahan.
As of March 23, nakarekord ang Department of Health og naa sa 862 pertussis cases, lakip ang 49 ka bata gikan Enero sa tibuok nasud. Ang pertussis ang sagad mitakboy niini mao ang mga bata. I Richel Gubalani