Gibulgar sa labaw sa Police Regional Office 10 nga adunay mga politiko nga misulay og suhol sa kapolisan alayon sa nagkadul nga 2022 national and local election sa May 9, 2022.
Gibutyag ni PNP-10 Regional Director Police Brigadier General Benjamin Acorda Jr. nga dunay misumbong kaniya nga dunay politiko nga muhatag og 8-mil pesos matag bulan nga suhol.
Apelar karon ni Acorda sa mga politiko nga dili manuhol aron walay miyembro sa organisasyon sa PNP nga malambigit sa partisan politics. Hinuon dako ang pagtuo ni Brigadier General Acorda nga dili basta-basta nga magpadala sa suhol sa politiko ang kapolisan sa rehiyon tungod sayod na sila kung unsay mahimo nilang atubangon sa balaod ugaling makahimo sila sa kalapasan sa eleksyon.