LEGAZPI CITY – Pigkumpirmar kan Overseas Workers Welfare Administration (OWWA) Bicol na makakakua nin livelihood grant assistance an mga Bicolanong OFWs na mauli sa Pilinas sa irarom kan Balik Pinas, Balik Hanapbuhay program.
Segun kay OWWA Bicol spokesperson Bernard John Bonnet, nasa labi 500 na mga Bicolanong OFW an makakaresibi kan nasambit na asistensya kun saen PHP5,000 hasta sa PHP20,000 na kantiad ki livelihood grant an makukua ninda alagad depende pa ini sa status kan saindang OWWA membership.
Apwera pa kaini, pigkakalkulong PHP10,000 hasta PHP20,000 na financial relief assistance an itatao sa irarom kan OWWA OFW Protection Program.
Dugang pa Bonnet, nakapreparar naman an saindang ahensya sa mga apektadong OFWs na mauli sa nasyon en kaso maglala pa an tensyon sa gyera ka Israel kontra sa Hamas.
Basado kaya sa datos kan OWWA, nasa 568 Bicolano OFWs an nasa Israel; kun sain 117 sa Albay; 150 sa Camarines Norte; 178 sa Camarines Sur; 30 sa Catanduanes; 28 sa Masbate; asin 64 sa Sorsogon.
Sa ngunyan, nakabantay sana an ahensya sa pagtatao nin libreng serbisyo sa mga boot nang magpa-repatriate o umuli sa nasyon