NAGPASALAMAT sa natabang sa ilang isig ka miyembro sa KaBrigadahan GenSan ang mokabat sa 122 ka mga miyembro adlawng Sabado.
Ang uban, gamiton alang sa ilang pagpaospital, tambal, mortuary ug uban pa, asa gibahin nila ang nakolekta nga sobra sa P309,000 sa maong semana lamang.
Alang kang Leah Gregorio, usa ka community officer sa prk.30, Pagasa, Mabuhay nga dakong tabang ang natigom nga salapi sa mga miyembro ug angayang pasalamatan tungod mas maayo nga makatabang inay tabangan.
Na-admit kini ug nakagawas na apan may mga kinahanglanong tambal mao nga dakong tabang ang nadawat gikan sa mga miyemro.
Lakip nagpasalamat si Jeicel Dag-as taga Prk. 26, Pearly Shell, Brgy.Mabuhay nga nanganak nga ceasarian pagpanganak ug gisuportahan lang sa ginikanan mao nga nagpasalamat usab sa nadawat nga tabang.
Nagpasalamat usab si Leonora Marine, usa ka community leader alang sa tabang kang Cheene Marie Manubag, 30-anyos nga taga GenSanville Subd., nga nanganak usab nga ceasarian.
Pulos usab nila gipasalamatan si Brigada Elmer V.Catulpos sa pagmugna sa KaBrigadahan GenSan nga ang konsepto mao ang pagtinabangay sa isig ka tawo bisan sa ginagmayng pamaagi.