LAING hugna sa orientation ug voters education ang gipahigayon sa Comelec Gensan alang usab sa mga accredited citizens watchers ug volunteers.
Sa kumpermasyon ni City Comelec Officer Atty. Sharmaine Papandayan Garangan Abril 7 adlaw nga Huwebis gihimo ang orientation sa mga miyembro sa Parish Pastoral Council for Responsible Voting kon PPCRV nga accredited sa Comelec.
Ang trabaho sa PPCRV sa umaabot nga May 9, 2022, mag volunteer sa election, sila ang magbanatay sa voters assistance desk, sila ang motabang sa mga botante nga nagapangita sa ilang presento.
Gi-orient usab ang mga watchers sa mga kandidato sa ilang limitasyon atol sa election, sama sa bawal ang pag-estoryahanay sa kapwa watchers, botante ug sa electoral board, bawal mag-istorbo sa pagbotar ug proceedings, bawal mag-picture sa botante nga naga-shade sa balota ug nagapaslak sa vote counting machine.
Limitado lang ang makasulod nga watchers sa matag polling place. I Ver Diazon