Nisurender sa otoridad ang laing myembro sa Communist Terrorist Group bitbit ang duha ka high-powered firearms ug usa ka pistola.
Ang surenderee nailang si alias “Jopia”, kanhi Special Partisan Unit/Bomber sa Guerilla Front 18 sa New Peoples Army.
Nisurender si Alias Jopia sa tropa sa 67th Infantry “Agila” Battalion ug PNP Intelligence Units kauban ang usa ka S&W 357; usa ka Garand ug usa ka sniper rifle sa Sitio Langgawisan 1, Brgy. Ompao, Tarragona, Davao Oriental niadtong Agosto 16.
Padayong gina awhag sa gobyerno ang nahibiling mga NPA nga mobalik na sa sabakan sa balaod aron maka avail sa Enhanced-Local Integration Program nga maoy mohatag ug bag-ong paglaom pinaagi sa livelihood assistance nga gitanyag sa panggamhanan.