Balik prisohan naman ang isa ka lalaki matapos ginserbihan sang warrant of arrest sang mga kapulisan sa Poblacion Norte, Ivisan, Capiz.
Ginkilala ang akusado kay alyas “Dingdong”, 33-anyos, residente sang Brgy. Tiza, Roxas City.
Sandig sa Ivisan Municipal Police Station, anay na nga napriso si alyas “Dingdong” bangud sa kaso nga paglapas sa RA 10591 ukon “Comprehensive Firearms and Ammunition Regulation Act” sang tuig 2017 apang ini ang nakaguwa sang Oktubre 14, 2020.
Liwat naman ini nga napriso sadtong Mayo 24, 2021 bangud sa paglapas sa RA 9165 ukon Comprehensive Dangerous Drugs Act of 2002 sa Kalibo, Aklan apang ini ang nakaguwa sang Setyembre 11, 2023.
Apang sang Oktubre 14 subong nga tuig ginserbihan naman ini sang warrant may kaangtanan sa recommitment number AOR (2)-03-16-22 nga gin-isyu kag ginpermahan ni Judge Sergio R. Calizo Jr., Chairman of the Board in Parol napetsahan March 16, 2022. Sa karon, nagapabilin ini sa kustodiya sang Ivisan PNP para sa nagakaigo nga disposisyon. | Judy Ann Juare